Skip to content Skip to sidebar Skip to footer
Home / perlengkap sekolah

contoh percakapan bahasa jawa tentang cerita Lutung Kasarung

By slamet riyadi Post a Comment


Lutung Kasarung

BABAK 1[ing keraton]
Ing salah sawijining kraton ana Raja kang adil lan wicaksana. Asmanipun Prabu Tapa Agung. Prabu Tapa Agung duweni putri yaiku Purbasari lan Purbararang. Prabu Tapa Agung binggung amarga nganti saiki gurung nemokake pewaris tahta kang bakal ngantekake deweke.
Prabu Tapa Agung ngimpi di dawuhi menehake tahtane marang Putri Purbasari kamangka tahta kui kudune diwenehke marang anak kang paling tua yaiku Purbararang, ananging Purbararang nduweni sifat kang kurang apik bedo karo Purbasari kang duweni sifat apik.
Suara             :”kudune kang dadi ratu ing keraton yaiku purbasari dudu purbararang amarga deweke luwih pantes lan sifate luwih becik.”
Banjur Prabu ngomong marang Purbasari lan Purbararang babagan warisan tahta mau.
Prabu             :”Dina iki wis tak tetepke sing bakal dadi pewaris tahta ing kraton iki yaiku Purbasari.”
Purbasari      :”Nyuwun ngapunten Prabu. Menawi ingkang dados Ratu mboten mbakyu Purbararang kemawon.”
Indrajaya      :”Nyuwun pangapunten prabu,menapa ingkang dipun ucapaken putri Purbasari punika leres.”
Prabu             :”Ora Indrajaya, Purbasari kang luwih pantes,aku percaya menawa Purbasari iso dadi patuladhan kanggo rakyatku ing keraton iki. Purbararang apa kowe ora kaboten yen Purbasari dadi Ratu ing keraton iki.”
Purbararang            :”Mboten Prabu.”
 Prabu banjur akon Lengser ngumumke kabar mau menyang rakyat kraton.
Prabu             :”Lengser umumna ing pelosok negeri, yen Purbasari saiki dadi Ratu ing kraton iki.”
Lengser         :”Sendika dhawuh Prabu.”

BABAK 2[ing desa para rakyat]
 Lengser banjur ngumumke kabar apik mau marang rakyat keraton,rakyat keraton kabeh padha Seneng amarga para rakyat uga kepingin Purbasari kang dadi ratu.
Lengser         :”Pengumuman,para rakyat keraton kabeh! mulai dina iki lan sakteruse kang bakal dadi ratu ing keraton yaiku kanjeng  Ratu Purbasari.”

BABAK 3[ing keraton]
 Saktemene Purbararang lan Indrajaya ora sarujuk marang keputusan prabu, banjur wong loro mau pada golek cara nyilakani Purbasari.
Indrajaya      :”Purbararang opo sing arep kok lakokake saiki?”
Purbararang :”Aku bakal golek akal, kepriye carane nyilakani Purbasari supoyo ora dadi ratu ing kraton iki.”
Indrajaya      :”Kowe ora perlu kuatir meneh Purbararang, aku wis nyiapake boreh supaya Purbasari ala rupane.”
Purbararang            :”Akal sing apik Indrajaya, aku wis ora gelem di gawe sengsara maneh.”

BABAK 4[Ing panggonanae Aki lan kraton]
            Purbararang banjur lunga menyang aki-aki kanggo nglakokake rencana cengkelene marang Purbasari.
Aki                  :”Wonten napa kanjeng putri dateng mriki?
Purbararang            :”Aku kepingin ngawe Purbasari sengsara lan ala rupane.”
Aki                  :”Iku perkara gampang putri.”
            Aki banjur maca mantra-mantra kanggo nyilakani Purbasari.Ing kraton Purbasari kelarab lan gatel-gatel awake lara kabeh.
Purbasari      :”Hah... apa kang kedadean marang awakku???

BABAK 5[ing keraton]
Indrajaya lan Purbararang iso ngelakokake rencana cengkele mau.Purbasari malih ala rupane. Para penghuni kerajaan padha prihatin marang keadaan sing dialami dening Ratu Purbasari. Purbararang justru golek keuntungan saka sengsarane Purbasari. Deweke mengaruhi pikiran prabu supaya ngusir Purbasari.
Purbararang            :”Prabu kula mboten purun menawi Purbasari taksih wonten ing kraton punika, amargi kula khawatir penyakitipun nular wonten penghuni keraton.”
Indrajaya      :”Inggih Prabu, napa Prabu kersa rakyat keraton sengsara. Leres ingkang dipun aturake putri Purbararang.”
Prabu             :”Awake dewe uga kudu njalok pendapate Purbasari dhisek ora asal ngusir dheweke saka kraton.”
Purbararang            :”Nggih kula nyanteni Purbasari ing kamar rumiyen.”
            Purbasari ketok pucet lan lemes banget deweke mung bisa nerima papa kang diwenehake marang deweke.
Purbararang            :”Adhiku Purbasari prabu arep ngrembug babagan kang serius karo sampean.”
Purbasari      :”Iya mbakyu.”
            Purbasari lan Purbararang teka ing ruang pertemuan.
Prabu             :”Purbasari,Prabu ora pengen yen para rakyat sengsara merga ketularan   penyakitmu.Apa kowe ora kabotan yen kudu lunga disek saka kraton kanggo sawetara wektu.”
Purbasari      :”Mboten napa-napa Prabu kula ikhlas ninggalaken keraton.”
Prabu banjur akon Lengser  ngawa Purbasari menyang alas.
Prabu             :”Lengser! Gawanen Putri Purbasari menyang alas.”
Lengser         :”Sendika dhawuh Prabu.”

BABAK 6[ing alas]
    Lengser ngawa Putri Purbasari menyang alas.
Purbasari      :”Saiki wis tekan alas, saiki balio menyang keraton.”
Lengser         :”Sendika dhawuh Putri.”
Lengser banjur bali menyang kraton.Ing alas Putri Purbasari ora dhewekan akeh kewan kang ngancani kalebu  Lutung kang sakbenere uga manungsa sing diukum dadi Lutung merga polahe kang ora apik. Lutung lan Purbasari tansoyo akur,banjur Lutung nyuwun marang gusti supaya penyakite Purbasari mari.
Lutung           :”Duh gusti,mugi-mugi penyakitipun Putri Purbasari lekas mantun.”
Panjaluke Lutung di kabulake dening gusti, Purbasari banjur di kon adus ing kali kanggo ngilangi penyakite mau. Purbasari iso mari lan pulih koyo mau.
Lutung           :”Monggo putri badhanipun panjenengan dipiun wasuh dening banyu sendhang menika.”
Purbasari      :”Iya Lutung.”
            Saklebare masuh awake ing sendhang awake Purbasari malih resik kaya maune maneh lan dadi tambah ayu. Purbasari matur nuwun sanget marang gusti lan uga marang Lutung.
Purbasari      :”Duh gusti matur nuwun panjenengan sampun paring kanikmatan punika dumateng kula.”
Purbasari      :”Matur nuwun uga Lutung, sampean apikan tenan marang aku.”
Lutung           :”Inggih putri.”

BABAK 7[ing keraton]
Purbasari seneng banget iso mari lan pulih koyo mau. Kabar kuwi nyebar nganti tekan kraton.Purbararang banjur takon marang aki-aki kedadean apa sing ana ing alas.
Purbararang            :”Aki. Kedadean apa sing ana ing alas?”
Aki                  :”Mekaten Putri, wono niku sampun dados taman lan wonten jamban saloka kang asri banget.”
            Purbararang ora percaya banjur deweke ngutus Lengser menyang alas.
Purbararang            :”Lengser… Lengser…. Mreneo!”
Lengser         :”Kula dhateng gusti ratu.”
Purbararang            :”Lungo menyang alas ngomong marang Purbasari yen arep tak ajak lomba adu keayuan, yen aku luwih ayu purbasari arep tak ukum pancung..”
Lengser         :”Sendika dhawuh gusti ratu.”
 Lengser banjur lunga menyang alas ngoleki Purbasari,lan ngaturake pesene Purbararang.

BABAK 8[ing alas]
 Lengser ngoleki Purbasari ing alas nganti ketemu banjur ngaturake pesene Purbararang kanthi rasa mesakake marang Purbararang kang disia-sia terus marang Purbararang.
Lengser         :”Nuwun kanjeng putri.”
Purbasari      :”Eh… Lengser ana apa kok mara ing alas. Kepriye kabare mbakyu Purbararang lan keraton.”
Lengser         :”Kabaripun Gusti Ratu Purbararang lan keraton becik-becik kemawon Putri, nanging Gusti Ratu Purbararang nantang panjenengan adu keayuan. Yen Putri Purbasari kalah Putri Purbasari badhe dipun ukum pancung.”
Purbasari      :”Yen aku kudu mati enom aku lilo. Nanging sing nyebabake aku sedih yaiku saking tegane mbakyu purbararang dhewekke tegel tenan neng aku. Ya nak pancen kaya ngono panjaluke mbakyu Purbararang, kandakno aku nerima tantangan kuwi.”
Lengser         :”Sendika dhawuh Purtri.”

BABAK 9[ing alas]
 Esuke Putri Purbararang lan para rakyat keraton padha lunga  menyang alas nyeksekake lomba. Lomba banjur dimulai,para warga sarujuk yen Putri Purbasari sing paling ayu. Amarga penyakit Purbasari wis mari lan dheweke dadi tambah ayu.
Lengser         :”Sapa kang menang?”
Para rakyat  :”Putri Purbasari..... Putri Purbasari......!!”
Lengser         :”Ingkang menang ing lomba adu keayuan inggih menika kanjeng Putri  Purbasari.”
 Nanging Putri Purbararang tetep ora pengen kalah karo Putri Purbasari.
Purbararang            :”Ayo tanding rambut! Sapa rambute paling dawa kuwi sing menang.”
Purbasari banjur nguculi gelungane, lan ora di nyana rambute Purbasari luwih dawa saka rambute Purbararang.
Lengser         :”Ingkang menang tetep putri Purbasari.”
Purbararang tetep ora terima yen di kalahake dening Purbasari.
Purbararang            :”Sik! Ana siji ngkas yaiku adu mbandingne calon garwa. Aku Indrajaya,wis pesti menang aku amarga Indrajaya gagah lan ganteng.Calon garwamu sapa?”
Indrajaya      :”Sapa meneh nek ora lutung gedhe kuwi.”
Purbasari      :”pancen kudune calon bojoku iku lutung.”
 Kabeh penonton padha gumun marang calon garwane Purbasari kang wujud lutung. Ora sue lutung mau maleh dadi joko sing gagah lan ganteng, yaiku Gurumida.
Gurumida     :”Ratumu saktemene yaiku Purbasari wis ngomong yen aku kudune sing dadi calon garwane ,aku kudune ngelindungi lan mbantu dheweke. Tahtane wis di rebut Purbararang.”
Akhire Purbararang lan Indrajaya sujud marang gurumida lan Purbasari.
Indrajaya      :”Ampun…..”
Purbararang            :”Nyuwun pangapura Purbasari adhiku…..”
Purbasari ngedekke Purbararang kang lagi sujud.
Purbasari      :”Mbakyu ora apa-apa yen tetep dadi ratu, nanging kudu dadi ratu kang adil lan wicaksana.”
Purbararang            :”Kowe pancen apikan adhiku Purbasari. Kudune sing pantes dadi ratu yaiku kowe.”
Indrajaya      :”Nyuwun pangapura Purbasari.”
Purbasari      :”Wis ora apa-apa.”
 Akhire kabeh padha urip ayem lan tentrem ing kraton. Saka carita mau kita bisa njikuk akeh niali-nilai budi pekerti kayata  kita ora oleh meri marang opo wae kang diwenehake  marang wong liya, kita ora oleh sombong utawa angkuh senajan kita duweni kekuasaan.


Post a Comment for "contoh percakapan bahasa jawa tentang cerita Lutung Kasarung"